徐子珊與吳卓羲在無綫熱播劇《團圓》中，被家人反對仍愛得癡纏，徐子珊大爆劇情，指郭晉安只是三角戀的假象；現實中徐子珊與吳卓羲皆表示曾成為三角戀的受害者，子珊又說由於吳卓羲太靚仔，令她不放心，所以不會揀他做男友，而子珊胞姊現已安排一位老外與她相睇。
無綫劇《團圓》中的徐子珊、吳卓羲及郭晉安之間有段三角關係，子珊穿梭於兩兄弟之間，與郭晉安的感情疑幻似真，但子珊一語踢爆：「係假象、誤會，只係安仔喺失意時有人對佢好，我冇鍾意過佢。」子珊透露曾陷入三角戀，男友結識了另一女孩：「當時好嬲，但冇即刻分手，我畀佢解釋，但最終都分手。」
家人要求高
子珊呻家人從未認同過她任何一位男友，估計家人要求較高，子珊入行後未公開過男友，但緋聞男友卻很多，包括黎明、殼王陳國強、游乃海、吳卓羲、馬國明、黃宗澤、高鈞賢、黎諾懿及幕後道具人員。子珊說：「細個唔會諗太多，入行後有遇過，但時間唔配合。」
獲稱讚性感
子珊說現希望找個才俊，最重要有責任感、經濟能力勝過她，便可付託終身，她說：「家姐話有筍盤推介，係個30幾歲老外，家準備緊約會，如果啱我就唔會輕易放手。」至於會否考慮吳卓羲為伴侶，子珊笑說：「我高攀唔起，佢太靚仔，我唔放心。」
吳卓羲亦禮尚往來：「我都唔敢高攀子珊，佢太性感，尤其係隻眼粒癦，喺劇中已經好深愛對方，現實畀啲空間大家。」吳卓羲表示，小時候曾陷三角戀，是女方同時愛上兩男：「會爭取愛情，但不能強求，唔會搶，亦唔會讓愛，鍾意啲適當主動嘅女仔，不能太過含蓄、怕醜。」
之前被發現於機場偷運女友張馨予返家，問吳卓羲之後拍拖會否更低調？他無奈說：「上次接機又唔係大不了，冇辦法，香港咁細，唔出街又喺屋企俾人影到。」吳卓羲指自己是會結婚的傳統男人，但其母也不想他太早結婚。
採訪、攝影：張俊銘、溫敏芝
