卓韻芝前晚在演藝學院演出棟篤笑，請來黃宗澤任嘉賓，讓阿芝抽水摸胸兼講鹹濕笑話，令現場女觀眾咿嘩鬼叫。阿芝自爆06年自殺的經過，沉重悲傷的事情在她口中竟變得兒戲。
卓韻芝一連六場的棟篤笑《死去活來OneNightStand》前晚在演藝學院開鑼，鄭秀文、谷德昭、蔡穎恩及一班商台DJ都有捧場，八成觀眾均是女性。阿芝主要講與前男友、樂隊Mr.結他手MJ的拍拖逸事，同性戀話題、鹹濕笑話及她06年自殺的經過。她每晚會請一位型男嘉賓撐場，首場的黃宗澤慘被阿芝不停抽水。
黃宗澤重提被偷拍全裸事件，他說：「我阿媽擺咗一本喺屋企，又影得OK喎，寫我籮夠挺，又話胸肌可以做健身代言人，又好似寫得幾好。」後來他與阿芝坐在沙發上，阿芝竟問：「我可唔可以摸你個胸？」黃宗澤沒有拒絕，阿芝伸手入其衫內摸了一分鐘，她說：「你可以谷o架喎，不過我唔夠膽郁隻手。」黃宗澤謂：「吓，你仲想郁？」第二場嘉賓會是張智霖。
「Sammi煲粥我食」
阿芝談到當年自殺的過程，她謂當年看了一齣戲，講病人若重複做很多次手術必會康復，勾起她母親病重時，她決定拔喉的心情，阿芝說：「睇完戲我諗我係咪殺咗人，然後有自殺念頭，就返屋企自殺，但我頭腦係好清晰，諗用乜方法自殺，跳樓層樓會跌價，跳海俾人救起時會走光，卒之用煙浸水飲，自殺前有一個鐘時間，我係才女梗係寫遺書，我遺書係寫爭公關30蚊，爭余迪偉270蚊咁囉。」
阿芝獲救後，出院第一件事是抽新股，卒之升了一倍多，她說：「俞琤見到我第一句問我幾時返工，彭浩翔叫我交《出埃及記》劇本，原來個世界唔會冇咗邊個唔得，一樣轉緊，最開心Sammi煲粥嚟屋企畀我食。」
「俞琤直頭係男人」
此外，阿芝談到同性戀話題時，故意提起俞琤，她說：「舉例我老闆俞琤，佢唔係les，佢直頭係男人嚟o架。」她又大爆前男友MJ愛用其眼線液及剪了她的襪褲當手襪用。事後阿芝謂有請MJ捧場，但不知他會看哪一場。
採訪：張俊銘
