今年最爆o靚模非何佩瑜（Jeana）莫屬，她憑寸嘴成功彈出，其34C不倒胸更迷倒不少宅男，不過Jeana寸人唔使本，周圍辣着火頭，早前寸爆前輩趙碩之的36D上圍是岩石胸，前晚趙碩之即還擊暗嘲Jeana冇品兼假胸。
現年22歲的周秀娜師妹何佩瑜憑寸嘴上位，不過Jeana因寸人唔使本，惹來其他o靚模杯葛，但其不倒胸卻迷倒不少宅男，風頭一時無兩。
「唔好燒親人」
為博出位，Jeana就連前輩都唔放過，日前就寸擁36D巨咪的趙碩之是岩石胸，趙碩之亦老馬有火，前晚到銅鑼灣出席首映時即時反擊，她先說不介意被Jeana指是岩石胸：「冇睇雜誌，佢知道乜叫岩石胸，我唔知，只知乜嘢係真胸定假胸。」Jeana的不倒胸一直被指是後期加工，趙碩之就語帶雙關指不便評論Jeana是否假胸，還自爆前晚不是真空上陣。
問趙碩之是否欣賞Jeana的胸形？她不屑說：「冇特別留意，咁多人鍾意，應該OK，假胸都可以胸形靚，睇女仔最着重有冇品。」擺明寸Jeana冇品，但她又即補鑊說不便評論，最重要做好本份，但亦繼續寸Jeana言論過火：「佢再寸啲都可以，周圍辣火頭唔怕熱咪OK囉，最重要唔好燒親人，燒親自己唔緊要。」
Jeana嘲老爺車
對於被趙碩之反寸，Jeana昨繼續寸爆回應：「多謝佢老前輩提點，但佢講啲唔講啲，我聽唔明，好似啲老爺車冇油咁。其實人品呢方面好似劉德華話過人品好，自然牌品好，至於我嘅人品就要搵時間同佢打過牌先知。」被寸假胸的Jeana就以「真的假不了，假的太假了」來回敬，又指自己胸形剛剛好，最後勸趙碩之說：「我辣着火頭叫佢唔好黐我咁埋，費事燒親佢。」
採訪：譚倩宜 攝影：陳慧安
