古巨基將於十月七日舉行兩場紅館個唱，下周一開始優先訂票，正在蘇州拍新劇《歡樂元帥》的他也開始演唱會的操練。
輕鬆吊威吔
基仔為根治腰部舊患，好讓他在紅館可盡情演出，特別請來台灣的醫師到蘇州，治療十日後，舊患已康復，連為劇集吊威吔都沒問題，基仔昨在電話中說：「既然吊威吔都已經輕鬆咗，我打算演唱會排場勁舞，畀個驚喜大家。」基仔拍戲外也抽時間每日踩單車、做運動練氣及吃營養餐單，基仔表示：「我不嬲為食，家要忍口，煎炸肥膩嘢唔食得，食量仲要啱啱好夠體力拍劇就要停。」今年是基仔入行20年，他謂會獻唱多年來的經典金曲當作與歌迷們慶祝，而演唱會宣傳歌《爆了》已派台，基仔說：「首歌講都市人大多有壓力，如果覺得要爆炸，都可以發洩出嚟，然後拋開啲唔開心。」
採訪：李全