人龍中、年近70的王伯，於附近的啟泰苑住了幾十年，子女成家立室，剩下他與妻子和一名兒子居住。王伯靠積蓄過活，要省吃儉用，他每天都來排隊買平包，有時會買六、七個。
物價暴漲，餸菜越來越貴，王伯只好將價就貨，限定每餐只花20多元，盡量減少外出，「我有仔女供養，拎唔到綜援，只能用生果金同積蓄度日。食物咁貴，但係又慳唔到，惟有去少啲地方，喺條邨周圍行行企企過日子囉」。
當王伯從街坊口中得知金燕餐廳有「一蚊麪包」優惠，就去排隊買麪包，一買就買了逾半年，「每日落去排隊買麪包，已經係我嘅退休娛樂，仲可以邊排隊邊同街坊打牙骱，幾開心！我每次都買幾個，食剩咗可以留返第日做早餐，仲好好味o架」。
《蘋果》記者