方大同噚日生日都要去商台做節目，但方大同公司嘅同事都好識做，預備咗個生日蛋糕畀佢，方大同仲即場吹蠟燭許願，佢話夜晚會同朋友食飯，咁有冇薛凱琪（小圖）份先？方大同好大方咁話：「佢應該都會到。」問佢有乜生日願望？佢話：「最緊要梗係身體健康，仲有想放假囉，入行六年都冇放過大假，想同阿媽去法國旅行。」