火劫過後，文叔的家近乎完好，然而家園雖在，家不再成家。未熄的電掣把文叔留在戶內保住性命，愛妻與兩兒，還有未出世的幼女子珊，卻葬身梯間火海，文叔對此坦言自責。
不會重返傷心地
文叔憶述當日凌晨3時許被妻子驚醒，已身陷險境，「太太話火燭，抱住細仔走火警，嗌我拖埋大仔走」。他記不起妻子往上或往下逃命，但難忘救命決定：「我帶住大仔，踏落樓梯一步，個腦一閃，醒起未閂電掣，於是返轉頭入屋熄掣。轉個頭已經好大煙，跟住就暈咗」。
回想悲劇，文叔直言如果事發時間較早，頭腦清醒或可避免意外，「如果係十一、二點，一齊留喺屋度，可能救得返。呢個意外，係我呢一生最大嘅遺憾」。會否自責未與妻子一同逃難？「諗返轉頭，一齊走可能5個人同一命運，家我大步檻過，可惜老婆同兩個仔一個女檻唔過，希望佢哋早啲安心上路」。
文叔自責做錯決定，卻失去妻兒，言談間眼泛淚光，仍顯得頗為堅強，「冇想過自殺，咁樣係懦弱，對走咗嘅人不負責任」。
《蘋果》記者