黃宇詩噚日上咗商台接受DJ森美訪問，講吓佢嘅愛情觀，黃宇詩話佢已經單身咗成年，仲笑自己係中女，不過冇拖拍都唔緊要，因為佢都有好多嘢做，仲籌備緊做老闆㖭，原來佢諗住賣胸圍內衣喎，佢話：「其實都計劃咗好耐，諗住投資六位數字。」問黃宇詩會唔會做埋生招牌？佢話：「一定唔會，我怕會趕客呀，但應該會搵圈中人幫手。」