「鑑於新葵芳花園落成已逾28年，升降機系統乃是二十多年前的設計，從未進行任何大型改善工程，機件的性能可能影響運作表現……」這就是港鐵物業管理部回應業主投訴升降機經常出現問題的解釋，然而港鐵堅持讓「問題多多」的其士成為「大熱之選」，令居民人心惶惶。
根據屋苑升降機紀錄，過去一年幾乎每月均出現困、升降機運行時異常震動、機件故障和系統故障，其中一次更離譜，進行例行檢查後，當晚即有乘客困。
「對日常生活造成好大威脅，唔想有下一個受害者。」業主陳小姐本周三早上搭落樓上班，「當架去到1樓時，突然感覺有『滑牙』情況，跟住就急降左半層樓，好離心」。
「搭心驚肉跳」
陳小姐說已不只一次遇上升降機事故，「搭心驚肉跳，之前試過由地面返上樓，但架到咗無開門，然後又落返地下。」對於港鐵強迫業主「二揀一」，她深感徬徨：「一間（蒂森克虜伯）從報道中得知發生過嚴重事故，另一間（其士）已親身經歷過啦！」
梁小姐上月底亦經歷升降機急降，「嗰晚九點幾搭返上樓，同仲有個大肚婆同佢先生，架上到2樓已經輕微震盪，到4樓時更加下墮咗一米，我即刻尖叫，嗰位先生就狂㩒掣，十幾秒後架先行返。」
路先生則遇過「狗頭鍘門」：「度門一開即閂，好似狗頭鍘咁，差啲夾到架BB車。」另一居民蘇先生更說：「有次門閂埋嗰陣，有個阿婆衝入，俾度門夾到成個人彈落地，但度門竟然無自動彈開。後來有人仲賴阿婆太瘦，如果大份啲就冇事！」
《蘋果》記者
其士對升降機服務荒謬回應
投訴：大廈大堂升降機無法關門
其士解釋：因強風影響，升降機門未能關閉
投訴：升降機門快速開門及關門
其士解釋：按鈕外貼有防菌膠紙
投訴：上平台升降機常有不尋常跳彈
其士解釋：升降機由地面到平台距離太短，令制動無法調校
投訴：乘客被困升降機
其士解釋：當日平台升降機外門有雜物，令升降機停止運行
資料來源：新葵芳花園業主委員會