容祖兒下月13日在廣州天河體育場舉行一場戶外演唱會，場館可容納三萬多人，祖兒昨於廣州開記招，主辦單位送上巨型演唱會飛，預祝大賣，後來有內地記者問祖兒有否拍拖，她呆一呆說：「冇喎。」
笑Eason肥
祖兒謂會將香港演出搬到廣州，連與男舞蹈員貼身廝磨的環節也保留，她說：「唔理得咁多，做一場唔得咪走囉，呢度好開放嘅，唔得下次唔做囉。」祖兒謂相信屆時天氣很熱，故不會化濃妝，以免流汗變流黑眼淚，但一定會性感，故現在要練六嚿腹肌，她說：「上次喺英國開騷時好過份，肥到拉鏈都拉唔到。我做唔到Eason咁肥都咁有信心，可能佢瘦咗會冇信心。」
祖兒又指之前與何韻詩在台灣碰面非約定，是各自往當地工作才約吃飯。另外，祖兒本在陽明山莊做運動，但為避追訪鋒芝的記者而改往別處，對此祖兒說：「練唔到肌肉就賴霆鋒。」談到有指栢芝要霆鋒600萬贍養費，祖兒說：「栢芝自己都搵到啦，應該唔係。」
採訪、攝影：曾小嘉