徐濠縈昨日帶同囡囡陳康堤（包包）到圓方，出席好友何志恩的環保時裝活動，活動開始前，包包開心玩日本馬仔rody，但突然跌親撞到枱角，包包撞到頭狂喊，不停用手揞住左耳仔，徐濠縈緊張安慰後，即時帶了包包離開睇醫生。
「阿臣好緊張」
徐濠縈之後說：「係有個學行嘅BB撞到佢，佢就跣低咗，撞到枱角，我即刻摸佢個頭，睇吓有冇起層樓，發現佢耳面腫咗同埋有血！阿臣（陳奕迅）都好緊張，等陣會一齊去睇醫生。」何志恩表示事前其實徐濠縈也不想康堤出鏡：「佢耳仔流血，傷口幾深。」
何志恩承認將為10月結婚的莫文蔚設計象牙色婚紗及晚裝：「佢件婚紗設計咗好耐，一直等佢揀老公咋！行禮嘅教堂連膊頭都唔可以露，唔會性感！」
採訪、攝影：陳慧安、林妃