中國小姐趙哲妤噚日去咗尖沙嘴為佢嘅二手衫舖頭開張,原來佢一直都希望喺25歲之前做老闆,估唔到喺23歲已經可以達成心願,見到佢間舖嘅擺設唔多,不過都投資咗六位數字開舖,佢遲啲仲諗住喺舖頭搞寫真簽名會,佢話:「我知道書展唔畀搞簽名會,我有好多宅男fans,我知道佢哋唔係想睇我漏奶同啜冰,只係合照已經好開心。」