徵文聽得多，徵書你聽過未？
由幾個富二代backup嘅青年學生動力搞咗個「第一屆香港青年學生徵書比賽」，青動主席Johnny吳傑莊話，呢個活動旨在鼓勵香港嘅學生獨立思考發揮創意，除咗為香港培養新一代作家，更俾班後生仔證明無論幾多十後，都有思想可以有一番作為，而且仲唔一定係金錢掛帥，喺文化領域都可以有出頭天！
Johnny話得獎者已經誕生，總共有40幾本書，呢個星期日頒完獎後，下個月青動會請晒班得獎後生仔上清華大學上一個6日5夜嘅研習班，俾佢哋深造寫作技巧，嚟緊青動仲會搞唔同嘅嘢畀香港嘅後生仔玩……富二代，其實好多都對社會有貢獻嘅！