康貴華於過去七年積極推動「攣拗直」，除在診所應診，也在其任會長的新造的人協會為同志提供課程。惟記者向他查詢其「拗直治療」詳情時，他竟否認向同志提供治療，未知是否因已引起國際關注有關。
透過催眠不斷洗腦
根據彩虹行動資料，曾參與課程的同志透露治療主要透過催眠及不斷灌輸「同性戀是罪惡」等訊息以壓抑慾望，做法有違人性，「一對同性出現性慾，就叫佢哋冲凍水浴壓抑慾念，有宗教信仰就話佢哋係邪靈或者魔鬼附身，叫佢哋祈禱改變性傾向」。本港同志教會基恩之家黃國堯牧師則透露，曾有信徒被催眠加入暗示訊息後，面對同性時身體便出現惡心或手震等負面反應，有人甚至有抑鬱病徵。
不過康貴華對上述指控一一否認，他向本報強調，只向同志提供輔導，「有同志如果想消除同性戀傾向，或者想發展異性戀，我哋只係提供『輔導』同『協助』，係唔係叫『拗直』根本唔可以一概而論」。記者多番追問下，他承認在社署講座中曾向社工提及同志可「消除同志戀傾向變回異性戀」的「成功」例子，機率約20%。
要員直指療程無效
上月美國CNN一個討論「拗直治療」的節目中，有同志家屬便認定拗直治療毀掉兒子。近年外國一些著名鼓吹「拗直治療」的組織均有重要成員離開，其中「走出埃及國際」（ExodusInternational）的要員便於07年向同志公開道歉，指療程無效，令同志精神失常及有自殺傾向。
香港性教育會副會長兼精神科專科醫生吳敏倫直言，目前中西醫學也沒有同性戀治療，「用洗腦方法實做到，如果『被治療者』事前簽晒同意書，醫生未必犯例，但問題係站喺醫學同人道立場，你應唔應該做，做完有冇不良後果」。
《蘋果》記者