政務司司長唐英年何時宣佈辭職選特首，一直是外界關注焦點。但有政界中人指出，唐辭職問題不只是考慮選舉工程的問題，還要考慮會否影響政府運作以及政務司司長署任人選等問題，「唔係話佢想辭職就可以辭職」。
有政界人士分析，面對梁振英、范徐麗泰高調「偷步」造勢，唐英年明顯「輸蝕」，「佢一日仲係政務司司長，就一日唔可以講自己嘢，更加唔可以偷步競選，唔係就一定俾人砌」。
須考慮署任安排
不過，就算唐英年想提早辭職，也不是易事，「唔係話佢想辭職就可以辭職，仲有好多嘢要兼顧同埋考慮」。一旦他決定辭職，同時要考慮何時離職，會對政府運作造成怎樣的影響，「佢係政務司司長，一辭職政府就要有署任政務司司長人選安排。若果佢太早辭職，可能要搵人長時間署任政務司司長，對政府日常運作一定唔係咁好」。唐英年另一考慮是，太早辭職或令人覺得他想提早跟政府劃清界線，「佢（唐英年）自己都唔想人咁睇佢」。
《蘋果》記者