14位應屆候選港姐昨日在尖沙嘴出席美容產品的宣傳活動。有消息指7號胡中慧整容，胡中慧坦言看過報道，並說：「我冇整容，我好怕痛，連耳窿都冇穿。嗰張相係我讀大學嘅同房影，跟住佢擺咗上facebook，可能佢啲朋友覺得好得意咪攞嚟玩。」
「同學喺度笑」
問胡中慧會否接受整容，她說：「打喺我自己身上接受唔到，但人哋打係人哋嘅選擇，唔到我批評係好定唔好。不過我都有將段新聞擺上網，我同學都喺度笑。」
未知是否緋聞女王3號許亦妮新聞太多，5號朱晨麗遂從後趕上成熱門人馬，問許亦妮會否覺得受負面新聞拖累？她說：「我唔覺得有負面新聞，我之前已經澄清咗冇10幾個男朋友，獎項留番畀評判去評審，邊個攞獎都係實至名歸。」
採訪：何慧斯
攝影：陳順禎