籃球明星姚明日前宣佈退役，唔少球迷都大嘆可惜，不過樊少皇佢噚日喺騰訊微博度貼咗一張佢同姚明喺機上嘅合照，原來佢喺航機上巧遇呢位巨人，有咁難得嘅機會樊少皇都馬上要求同姚明影相留念，影完之後樊少皇仲好搞笑咁留言：「還好坐着拍。」咁又係，唔係又會出現電燈柱掛老鼠箱嘅趣怪樣出嚟。