電話短訊滋擾
村民何淑萍為前民主黨區議員，曾收過連串電話及短訊滋擾：「我好錫對仔女，但佢send啲短訊嚟話咩豬扒、性愛party。」（圖）任職地產經紀的前業主張太，07年介紹客人入住該村後，「有人打電話滋擾敵對村民，一日百幾次，喺公廁寫我哋賣淫。」有人甚至日夜致電騷擾其同事，着老闆解僱她，否則「搞到你冇生意」。
半夜防盜誤鳴
村民紛紛投訴村霸幾輛汽車經常在三更半夜響防盜。「啲響聲比正常高幾倍，法例規定誤鳴超過15分鐘就違法，佢就啱啱響14分鐘就停，奈佢唔何！」另防盜響起亦會引發村內惡犬狂吠（圖）。
貨Van擋去路
練先生今年3月被村霸客貨車（箭嘴示）阻擋去路，更阻足兩日兩夜，「報咗警都冇人嚟拖車。」但兩個月後村霸報警稱練的車輛阻塞道路，卻迅速被拖走，「明明係佢架車唔畀我架車駛入，但可以倒過嚟屈我唔畀佢出車」，練揚言「同佢鬥長命」。
三角陣插家門
村民羅太去年想在屋前空地建小花槽，遭村霸反對，對方之後更在空地興建一個巨型三角形石屎花槽（箭嘴示），尖角對正羅太家門，令羅太一家飽受心理威脅。
阻入村鋪水管
前業主周先生94年以260萬元購入物業後不斷受滋擾，單位一直空置，至去年底終以230萬元低價售出，惟新業主今年1月取匙後至今單位仍無水供應，「有人指某些地段屬私人擁有，又話村內有人大肚唔可以動土，阻止水務署挖地鋪水管。」
官地索泊車費
黃先生最初搬進官坑村，村霸阻止裝修師傅入村及泊車，村霸索價1.4萬元，他只肯付7,000元，詎料付款後對方仍不讓他泊車：「後來有街坊話番畀我知塊地係官地！」
舉報村民僭建
陳漢保為應屆官坑非原居民村代表，他說一切事端由08年成立官坑村民聯誼會開始，「佢哋覺得有人入村搞風搞雨」，「唔少居民喺屋企門口整個小花園諗住美化環境，佢哋就打去投訴僭建，投訴到人哋肯拆番晒個花園為止」。
鋪平路遭投訴
張太因家中長者在屋外凹凸不平的村路跌斷手，去年好心將路面填平，卻遭惡霸向政府投訴：「條路係屬於政府嘅，你冇資格整」，最後無奈將填好的路面掘爛「還原」。