梁靖琪（Toby）好姊妹湯盈盈噚日去灣仔同麥包一齊出席活動，年尾Toby結婚，一早叫定湯盈盈做姊妹，會唔會升呢做伴娘？湯盈盈即刻話：「唔好喇，我唔敢再做，因為話做夠三次嫁唔出，我已經做過兩次。」佢仲唔好意思話其中一對夫婦仲已經離埋婚㖭。不過幫Toby做姊妹，湯盈盈依然咁落力，佢話已經開始為佢嘅婚禮諗遊戲啦。