師姐阿Egg個人網誌毫無保留，除了私人照片，執勤經歷也暢所欲言。她不只一次休班執法，有次在黃大仙捉賊後押往警署，「師兄師姐話我着得好性感，初時以為我係犯」。她入過反黑組，一次到桑拿場查牌，誤入男更衣室，「睇晒，成班師兄笑我鹹濕妹」。從她的日記，可以了解一位警務人員的日常工作與心路歷程。
「師兄笑我：鹹濕妹」
阿Egg的出更生涯多姿多采，2008年12月9日，「上急救班，過期，要補返。同師兄師姐一起上課，認識一位機場特警，樣子就像吳嘉龍，真型仔。好滿足，我很喜歡警察部，但這些，只是個別例子，要努力搵吓先」。
2009年2月16日，阿Egg返夜更，「有單偷嘢，與師兄不停兜截。點知比我搵到，最後拉了。超靚仔的澳洲仔，偷嘢，藏有攻擊性武器，拉佢真心痛」。她是個相當勤奮的女警，休班執法不只一次。2009年9月13日，阿Egg逛街途中巧遇商店高買案，隨即把他拘捕到黃大仙警署，「但佢哋話我着得性感，初時以為我係犯囉」。
她的笑料不比電影《新紮師妹》少，2009年8月19日，任反黑組的她，「第一次喺麻雀館、桑拿查牌，點知我行錯路，入咗男更衣室。真係好搞笑，睇晒。成班師兄笑我：鹹濕妹」。不過阿Egg也有難過的日子，2008年12月，「發生不愉快事件，我發告票時畀市民屈我無禮，自問我都係做嘢，自問我態度良好。最後要見阿Sir解釋，我答：我冇做錯！只怪自己經驗少，不懂說話技巧輸畀條友」。《蘋果》記者