李治廷噚日喺新城電台宣傳下月12號嘅音樂會，仲搵咗JoeyTang即場夾band打鼓露兩手，問到會唔會搵埋老闆黎明做嘉賓？李治廷就話：「好喎，等我大膽啲請佢同我一齊跳舞先，平時佢行出嚟個款好似好嚴肅咁，其實佢份人好友善。」咁緋聞女友JaniceMan？一提起JM，李治廷個樣立即尷尷尬尬，同話搵黎明做嘉賓時完全兩個樣，佢仲話驚俾JM拒絕會好瘀喎，咁即係冇打算搵喇，明晒！