傅穎（Theresa中）噚日喺旺角宣傳網上節目《小敗犬．大作戰》，着住低胸裙嘅佢即場整蛋糕，露出兩吋事業線，仲話係特登有少少戰鬥格。佢話如果到適婚年齡都搵唔到男朋友，唔介意認係敗犬，但都唔擔心會嫁唔出。傅穎又話以前都有為男友下廚，問佢傳不和嘅羅仲謙有冇食？佢認整過，但其他就扮失憶唔記得。