高海寧噚日喺觀塘以代言人身份幫一間美容中心拍廣告，瘦身冇瘦胸嘅佢坐低就猛咁俾人影相，佢話：「瘦咗之後係多咗好多機會拍廣告，好多客戶冇刻意要求性感上陣，我反而覺得係要睇場合，唔一定次次都要好性感。」
高海寧仲話希望拍多啲唔同類型嘅廣告：「我唔知公司會唔會安排拍泳衣同內衣廣告，但係安排到亦唔會介意，最好拍埋護膚品、化妝品同洗頭水廣告。」拍咗咁多廣告實際賺咗幾多？佢話：「唔知賺咗幾多錢，但已經好滿意。」
操弗下半身
收入多咗梗係開心，不過高海寧話唔會買嘢獎勵自己：「我目標係希望買層樓同屋企人一齊，但係家啲樓價又猛咁升，我又要供車，會畀心機儲錢，希望買一層800萬左右嘅樓。」
呢個星期六係港男競選，高海寧事先張揚話會性感上陣，問佢會唔會勁過呂慧儀舊年着嗰件噴血晚裝，佢話：「睇落比舊年嗰條仲性感，但係點都唔及呂慧儀，我家會努力再操fit啲，尤其係下半身，因為家族遺傳比較有肉地。」
