【本報訊】《蘋果》記者上周以租客身份入住該村兩日一夜，以了解「村霸家族」是否如村民所說的霸道。「入伙」當晚村霸家族便派出二女許小姐前來「招呼」記者，甫開口即盤問：「你哋新租客嚟o架？係咪正當人家呀？」記者表現友好後，她便自稱是原居民，並怪責記者亂泊車，着記者「問返你個agent（地產經紀）」，更明目張膽說：「我冇錢袋，唔會提供服務o架！」
許後來問記者租金多少，記者表示全幢約8,000元，她便以高八度聲線說：「唔係嘛，有咁嘅魚腩？」後來更進一步威嚇記者：「你呢個盤有咩最大嘅缺陷呢？你呢個盤嘅業主得失咗呢度嘅原居民嘅！係大檸樂嚟o架！冇得擺平。」還大爆「呢條村早前先俾人掟過汽油彈」，隨即折返住所取出剪報給記者看。
記者看罷報道後表示事前不清楚該村治安，問她：「咁你哋住呢度唔驚咩？」她說：「我原居民唔走得o架嘛！我就係俾人搞嗰個呀！我架車俾人燒、我間屋俾人燒。」又對記者起戒心：「首先搞清楚你係咪正常人先，即係係咪粉仔呀、道友呀、係咪喺度搞雞竇呀…」她更指男記者「似毒梟，仲係好勁、億億聲嗰啲」。
聲稱被村民毒狗迫害
最終她帶路指示記者的私家車可停泊在哪裏，其間以「陀地」口脗說：「你哋冇睇場嘅話，呢度住唔到o架，直情係俾人溶咗都得。不過放心，我有呢班狗嘅保鑣呢，唔係咁容易俾人溶，因為一個陌生人行過我都知，我有晒閉路（電視）。」她又強調：「如果你要我對你好啲，你起碼答到我，你經邊個agent…有張卡片畀我，sothat我知你知碇先。我亦都開心見誠講畀你聽，佢係得罪我，條村係我嘅。」
她又聲稱被其他村民迫害，包括其狗隻被人毒害，又曾有一群紋身漢走到記者暫住單位天台擲下300顆㩒釘到其狗場。記者問她可有報警？她說報警也沒用：「當時未有閉路（電視），影唔到，佢哋家玩到蒙面o架喇！」她更提出要查看記者的租約，但被記者以夜深為由拒絕。
記者當夜留宿發現，由凌晨零時起，幾乎每隔10至15分鐘，狗場便傳來十多隻狗的狂吠聲，根本無法入睡。直至凌晨兩時半，村霸二女仍在餵狗，狗吠聲此起彼落，至三時半後才稍為安靜，但到清晨五時半狗隻再狂吠。