陳奕迅（Eason）、鍾欣桐、何韻詩和劉美君等，前晚到廣州國際體育演藝中心出席「第十一屆華語音樂傳媒大獎」頒獎禮，Eason共得四獎。日前Eason和楊千嬅及梁漢文一同演出商台音樂會，隨即有人提議三人以華星三寶名義開騷，但當中應以Eason歌酬最高難以計算，他說：「係咩？每人20蚊囉，錢唔係問題，意義先係最重要。」近日好友謝霆鋒已回港處理離婚事，會否找他傾談？Eason笑說：「佢唔會搵我傾心事，因為只有我講冇佢講，咁多朋友中只有何超儀可以我同較量，佢係吹后，我就係『吹前』。」
同場的阿嬌表示未有聯絡霆鋒，連SMS也沒有，是否怕傳緋聞？她說：「唔係，不過我哋一向少聯絡。」若鋒芝真的離婚會否覺可惜？阿嬌說：「算喇，呢啲係佢哋選擇，結果唔知會點，但最緊要開心。」
採訪、攝影：曾小嘉