兩個貴賓房加上7張枱，位於銅鑼灣的「飯堂」，兩層樓僅40個坐位，令全港富豪趨之若鶩。矜貴不單止於菜式，還有富豪級私人飯堂的感覺，「飯堂」副經理陳石群說：「客人好低調，就算我哋老闆識得啲客，都唔會打招呼。」
貴賓房兩星期前預訂
矜貴還有需要一星期前訂枱，貴賓房更要兩星期前預訂。晚市平均消費每位500元，貴賓房則要數千元，即使腰纏萬貫，想包場仍要碰壁。
雖然名命為「飯堂」，但「冇固定餐牌，只會因應每日街市有乜新鮮嘅菜，不時不食。」客人亦可提供材料，「有客帶新鮮湛江蜆仔嚟，我哋即席發揮，煮出蜆仔飯。」每道自來食材酌量收費，如鮑魚每隻收加工費約300元。
稱得上富豪飯堂，樓面會記錄每名客人喜好，廚師位位份量十足，有國家級四川大廚及曾任其他富豪飯堂大廚。有富豪喜歡帶家廚到「飯堂」用其專業廚房試菜。
殼王陳國強曾與和黃（013）董事總經理霍建寧，及前商務及經濟發展局局長馬時亨到「飯堂」午膳。賭王何鴻燊大病出院後，亦經常與三、四房太太到來用膳。華置（127）劉鑾雄，曾捨福臨門，轉移到「飯堂」。
前政務司司長許仕仁、醫管局主席胡定旭、金管局總裁陳德霖及特首曾蔭權等高官，均是「飯堂」食客。胡定旭說，最愛「飯堂」的潮州蒜片炒黃菜，味道清甜爽口。
專欄作家李純恩喜歡到「飯堂」飲茶，最鍾意食叉燒酥，面上放咗陳皮夠特別。」
馬時亨認為「飯堂」服務貼心，「次次都唔使點餸，佢哋會幫我揀，成日有創新。」點心之中，他最愛吃上素蒸粉果及檸檬叉燒酥，「餸菜就鹽焗雞，用嘅走地雞夠新鮮，而且焗得啱啱好。」
記者：黃碧珊 攝影：程志遠
電動趟門夠隱密
飯堂位於欣葉台灣料理銅鑼灣舊址，由東華三院總理李鋈麟，及其弟博愛醫院總理李鋈發開設。店外沒有任何堂皇裝飾，僅有一個小招牌，而且以電動趟門開關，私隱度極高。店內裝修清雅，貴賓房設備齊全，配備電爐，可即席烹調食物。洗手間裝有近4萬元一台的TOTO高級智能馬桶。