o靚模寫真大戰一觸即發，近日成為風頭躉的何佩瑜（Jeana）雖然人氣急升，但同時辣着不少火頭，前晚余曉彤（Hidy）直指Jeana雙峯是假貨，又取笑她是變形金剛，更批評Jeana口沒遮攔四圍得罪人，Hidy說笑想跟Jeana玩潛水一睹她表演爆波絕技。
踏入7月書展，一眾o靚模即將推出寫真鬥法，不過近日以何佩瑜（Jeana）走勢最凌厲，成為眾矢之的，但同時亦是非多多，更有傳跟師姐周秀娜不和面左左。前晚身為娜姐好友兼師妹的余曉彤（Hidy）到灣仔出席「2011國際潛水小姐」活動，她被委任為海洋大使，見她穿上長裙打扮密實，Hidy表示一向形象不是刻意賣弄性感，適當場合配合適當打扮。
Hidy說：「家真係好多大胸人，但我覺得大細冇所謂，唔使成日拋出嚟露畀人睇，其實我唔鍾意大胸，因為怕落水時負荷唔到。」Hidy越說越興起，直指有些人的身材是假貨，一眼便能分辨，記者叫她舉例，Hidy直言：「變形金剛囉，Jeana呀。」
Jeana寫真玩SM
Hidy不但直指Jeana身材是假貨，還不留情面批評：「佢份人太高調，真係要帶佢去潛水等佢cooldown吓，佢好極端，口沒遮攔成日得罪人。」一向有玩潛水的Hidy笑言水壓可以測試身材，她笑稱：「假嘅真係會爆，我都想試吓睇佢爆。」
至於Jeana和Hidy的寫真同時於今天推出，其中Jeana谷盡33C被指是假的咪咪，穿起性感內衣拿起皮鞭和木柱大玩SM，Jeana笑言將自己化身武林高手，以皮鞭綁着宅男fans，實行令他們流血不止。
化身美人魚挑釁
Hidy獲廠商支持，推出以她命名的平板電腦HiDYPad，平板電腦和寫真一套售價為1,600元，在寫真中Hidy化身美人魚擺出不同高難度甫士，她還誇下海口表示若寫真銷量理想，在慶功時會以長髮遮點真空上陣，化身成真正美人魚出現。
採訪、攝影：王崇穎
