暑假到，又是酒店親子Package大推特推之時。只要有三天空檔，便可參加這個落田落水學整餅學應變的動感夏令營；如果寶貝為9至12歲，更可以放手讓他/她獨自參加，學自律和社交，有咁多活動玩，細蚊必定開心。
記者：潘紫芳
攝影：譚盈傑
Model：丁丁、瑤瑤、琦琦、Matthew
水戰大聯盟學合作
話晒係暑假，點都要行個下水禮。唔識游水？酒店在網球場SetUp了「水上挑戰區」，5歲或以上就可以入內大玩3米高的「椰林滑水梯」，高度雖未足以滑到似飛，但瞬間落水水花四濺，夠晒消暑，小Model更滑到不願走，嗱嗱臨話佢知隔籬有船仔坐，9秒9就彈起身，手動船仔邊攪邊行好過癮。還有長10米「至GIG功夫水戰場」，手拿水槍鬥快完成任務，細蚊大可組隊發揮合作精神。
收費：各$40；入住《功夫熊貓2》客房房客免費
搓搓唧唧又一Cake
Cupcake魔力沒法擋，大人見到都愛不釋手！Cupcake餅底製作繁複，酒店會預先焗好，再由細蚊裝飾。另有朱古力鬆餅製作，則全盤放手交由細蚊搓麪粉、壓餅模，可以一手一腳做，細蚊特別有滿足感。
膠袋笠身學求生
由新領域潛能發展中心設計的「應變王」環節，藉活動引發細蚊的危機意識，學會簡單求生技能。註冊教育心理學家彭智華指：「課程會選實用性及使用率高的技巧，如摸黑前行，並因應細蚊年齡加減任務難度。」
專家打好玩工作坊
黃金海岸酒店的「自學．自理夏日滿Fun2011」與一般吃喝玩樂的Package有點不同，話明「自學自理」就唔止玩咁簡單。三日裏面安排動靜俱備的活動讓小朋友多嘗試，工作坊全由有關方面專家帶領，絕不是柴娃娃鬧着玩敷衍了事，例如足球班就請來香港巴塞足球學校教練任教；創作「燒鴨針孔相機」的著名攝影師MartinCheung，則會親自教授製作針孔相機及拍照技巧！還可落田學有機耕種、跟得獎餅廚學整Cupcake鬆餅、跟銀行經理學理財、學餐桌禮儀等等等等。話細蚊從此學會自理就誇張咗啲，不過小知識有所增進，同埋趁機學習與別人相處，呢樣就真。
3日1夜「自煮．生活營」
日期：7月22至24日或8月5至7日
活動：有機耕種、鬆餅製作、歷奇活動、DIYTee、餐桌禮儀及小小酒店管理
小朋友費用：$2,800/位（佔半房計）；一晚住宿，包早、午各兩餐、一餐晚餐，額外一晚住宿另加$1,100；家長同房每晚另加$660（最多兩位家長）
3日2夜「自學．生活營」
日期：7月29至31日或8月12至14日
內容：應變王、兒童理財、攝影工作坊、足球狂熱、DIYTee、餐桌禮儀及小小酒店管理
小朋友費用：$3,800/位（佔半房計）；兩晚住宿，包早、午、晚各兩餐，家長同房每晚另加$660（最多兩位家長）
備註：9至12歲可獨自參加，小朋友會由酒店職員定時照顧。少於9歲則可與父母同行。
攬阿寶覺覺豬
淨係想闔家歡歡度一個周末，就不妨入住《功夫熊貓2》主題套房！大堂佈滿主角阿寶與蓋世五俠的足迹，房間則由床鋪到日用品都是阿寶的嘜頭，細蚊見到實開心。攬完阿寶，仲可以學整Pizza；住兩晚更可玩埋穿珠仔及到環保農莊上堂。
黃金英「熊」SummerFun家庭住宿計劃
日期：現在至8月31日
內容：高級海景客房一晚，自助早餐（2位成人及1位小童），酒店食肆八折及獲贈《功夫熊貓2》精美禮品包乙份
費用：星期一至四$1,198、星期五及日$1,398、星期六$1,598；加$500便可升級入住《功夫熊貓2》夏日限定主題豪華露台海景客房。
香港黃金海岸酒店（24528833）