爆汁日式餃子

爆汁日式餃子

晚晚OT買唔切餸煮唔到飯,好彩打開冰箱,總有一些急凍食品救星。最近入咗幾包CP新推出的日式豬肉及雞肉餃子看門口,無論用微波爐、油炸、煎或蒸等,幾分鐘就食得方便到極。我就最鍾意煎來吃,燒熱加少少油,放入餃子,煎1分鐘後灒適量的水,冚蓋焗至收乾水份,就可做到底層脆而面層嫩滑,咬下特薄的餃子皮,多汁兼且肉味香濃,唔講畀老公知,仲以為係我自己包!

售賣點:百佳超市