年底嘅「歡樂滿東華」，善款年年創新高。不過，家要支持東華，唔使等到年尾！華華八到，東華呢個月尾會公佈一個別開生面嘅籌款活動，搵酒樓、婚禮統籌相關機構合作，鼓勵佢哋嘅客人，將收到嘅人情捐出嚟行善。華華仲收到風，計劃未公佈，已經有人打頭陣參加。邊個咁鼎力支持？咪就係舖王鄧成波個仔耀昇囉！
筍價證婚 收益盡捐
佢開嘅婚禮統籌公司拉斐特，揀咗喺嚟緊8月28號、9月18號、10月16號同11月6號4個吉日，以優惠價千五蚊提供證婚服務，收益全數捐畀東華。鄧耀昇話，因為四哥耀邦係東華總理，所以佢經常有機會幫東華手度橋籌款。兄弟同心，阿哥做總理，做細佬嘅梗要支持！