憑住飾演傳奇英國女皇伊利沙伯同《魔戒》系列而為人認識嘅澳洲女星姬蒂白蘭芝（CateBlanchett）前晚飛咗去到台北，此行據聞係為一個日本化妝品牌拍廣告。佢出閘嘅時候就有一大班台灣工作人員接機，今次同行除咗佢位編劇老公之外仲帶咗兩個囝囝，其中一個就瞓到好甜咁，姬蒂由出閘捧到上一架旅遊巴離開。
助理帶囝囝觀光
喺台北休息一晚之後，噚日姬蒂同今次廣告導演墨西哥籍嘅阿利安卓岡札雷茲（AlejandroGonzalezInarritu）南下去到日月潭嘅涵碧樓。到埗之後佢哋兵分兩路，導演就同一班工作人員先行到拍攝場地睇景，姬蒂嘅兩名囝囝就由助理照顧外出觀光，自己就一整日留喺酒店休息。不過佢隨行嘅台灣工作人員就照顧十足，對佢住嘅酒店周圍環境好留意，有乜風吹草動佢都會用審嫌疑犯嘅口氣問每一個喺酒店前停留嘅「可疑」人物。據知，姬蒂會在日月潭留到13日，之後就會返去台北繼續拍攝廣告。