黃宗澤噚日喺鑽石山出席「小手創造大紀錄」活動，最近楊思琦同李泳豪分手，搞到兩邊人互片，宗澤覺得每人都會有自己難處，清官難審家庭事，最好梗係和平分手，但如果係自己揀女朋友，第一件事係要同屋企人相處得好，如果唔係自己夾喺中間好難做，就算他日結婚，老婆唔同奶奶一齊住，都要住隔籬屋。