三十幾度烈日當空，好多人都有咁少着咁少，但係羅力威噚日同陳偉霆、鍾舒漫出席迪士尼樂園度假區舉行慈善行時，竟然着住長袖衫現身，羅力威話自己皮膚唔好唔曬得。近日頻頻出海嘅陳偉霆嚟緊要去蒙古拍戲，佢經已向女友蔡卓妍（Sa）攞咗防中暑貼士，而鍾舒漫忙住為新書出版做宣傳，佢話要多謝妹妹出心出力幫手完成新書。