雖然外界一直盛傳陳奕迅（Eason）將過檔林建岳的東亞娛樂，不過昨日他落實續約合作多年的環球唱片，並在尖沙嘴半島酒店舉行續約儀式。為表誠意，環球唱片兩大高層MaxHole、SunnyChang也特意由英國及台灣來港出席，並頒權杖及勳章予打扮成公爵的Eason，以顯其身份地位。
談到今次續約身價是否以億元計？Eason說：「呢啲你要問番Katie（即陳家瑛），家唱片好難做，賣碟已經唔係主要收入來源，唱片邊度有億o架？有億都係經理人，總之今次唔係外面講嘅天文數字。」東亞爭輸其合約的原因，是因欠缺海外市場？他說：「有時唔係價錢問題，我個人唔鍾意變。」Eason又稱正籌組明年開製作公司：「公司都係以音樂製作為主，遲啲可能會簽新人，話唔定會拍電影，環球就會喺音樂上配合我。」
唔知霆鋒住邊
至於問到會否探望好友謝霆鋒，Eason即笑說：「Chok神？我未搵佢啊，我有睇報紙，佢真係好嘢，肯除低耳筒，我係記者都覺得受尊重！」Eason又稱不知霆鋒回港後的住址：「我點搵佢，都唔知佢住邊？不過我會打畀表哥，因為打親畀霆鋒都唔聽，十幾年都係咁，出咗個電話都唔用！」
採訪：譚倩宜
攝影：黃文偉