周秀娜昨日到澳門出席電腦展，換了兩套衣服展示電腦，可惜毫不性感，但也吸引很多龍友拍照及歡呼。周秀娜表示今年不出寫真，但會出apps，對於此舉被指搶錢，她說：「都要搵食o架。」問到不出寫真是否升呢不與o靚模鬥，她說：「唔係，我想試新嘢，都出咗兩年寫真啦，同埋我書展期間會喺大馬拍戲，冇時間宣傳，家科技年代，apps可以隨時見到我。」她謂也想出寫真，待明年若還有人想看又有新意念便會出。
唔撐Jeana寫真
問到今年o靚模中可有想看的寫真？周秀娜說：「撐番自己友，Hidy嗰本千幾蚊仲送千幾蚊嘅平板電腦，好似話數量唔多，我同公司訂咗，電腦會送畀父母用。」其他o靚模寫真，如與她不和的Jeana呢？周秀娜說：「問公司攞就得。」被指大細超，她即說：「大細胸就有，冇大細超。」採訪：胡比
攝影：仇志德