陳嘉桓前晚與o靚模許穎（Phoebe）及扒女李依林等於金鐘出席DGLifestyleStore開幕禮。Phoebe及扒女都以性感背心示人，其中Phoebe更吸引不少龍友拍照。Phoebe的寫真宣傳片被YouTube列為十八禁，她說：「我條片係性感但唔係三級，唔係意識不良，都冇嗰啲啜冰條、搽太陽油同漏奶。」此言似乎在寸周秀娜年前的爆紅寫真，她續說：「我都唔明點解喺YouTube俾人禁，唔公平。」是否有淫穢動作？Phoebe說：「我雙手放胸，騷吓自己靚身形啫，冇乜兒童不宜。」道具三級？Phoebe說：「可能意識上諗到下一步係你哋犀利。」
歡迎Michael追求
談到她日前被本報拍得與富家子MichaelPoon親熱逛街，即使蹺手但她仍否認是男友，Phoebe說：「我比較熱情啲拉住佢行，又唔係十指緊扣。」Phoebe大讚Michael投緣，但不覺得被追求，又說：「佢對我幾好，如果對我有意思可以再食吓飯，睇多啲戲先。」
陳嘉桓表示剛自日本拍《獎門人》返港，稍後要與杜宇航護送一座金黃大仙到佛山。她昨日與杜宇航於旺角出席醒獅活動，並謂以往曾學舞獅一個月，以後生小朋友也會讓他學舞獅。李依林早前透露想找周星馳合作搞電影，她前晚說：「搵唔到佢。」
採訪：溫敏芝、王崇穎
攝影：陳俊強