本來於寧波象山趕拍電影《河東獅吼2》的張栢芝，為了搶子戰，上周四漏夜向劇組請假回港，她今晚便要歸隊，《河東2》投資方余毓興昨日接受電話訪問透露，栢芝今晚抵象山即要埋位開工，他說：「栢芝聽朝就返嚟，聽晚8點幾要同小沈陽同沈芳熙有對手戲。」
日前有報道指栢芝身體不適，她今天舟車勞頓往返，抵埗即開工，余毓興說：「我哋都問栢芝要唔要改期，佢話自己一開工就變第二個人，好硬淨喎！」余毓興表示知栢芝這幾天返港處理家事，故沒致電聯絡她，問他可聽聞栢芝姊姊戴碧芝會帶兩姨甥遊泰國？余毓興說：「栢芝肯定冇期去，我只係聽過佢同Lucas報咗暑期班，佢周四要去上海出席活動，之後會留喺劇組，下個月一早請咗幾日假，佢話想趕晒啲戲，抽時間陪Lucas準備開學。」
採訪：比華利