當謝霆鋒決定離婚後，謝家上下力撐到底，媽咪狄波拉一直低調支持，就算往日多番公開表態對新抱張栢芝錫到燶的老爺謝賢，也轉軚站在兒子陣營，四哥前晚更陪霆鋒夜訪陽明山莊，探望Lucas和Quintus。
鋒芝戰爆發後，霆鋒一直在大馬開工，未有時間與Lucas和Quintus享親子樂，連爺爺四哥和嫲嫲拉姑都沒得見乖孫，前晚終得以三代同堂，Lucas和Quintus勁黐着久違的爺爺，四哥昨日在電話說：「係呀，去見吓啲孫。」提到孫兒，四哥聲音特別輕鬆，連日心煩盡消。
有指四哥看到乖孫時眼濕濕，他死撐說：「佢哋睇到咩？冇嘢啦，唔好講埋呢啲嘢。」四哥表示昨日沒有再探訪乖孫。昨午他探霆鋒班，問到兩父子會否相約收工後傾密偈？四哥說：「冇約定，唔好問呢啲嘢啦。」
拉姑為Lucas找學校
至於拉姑為免做磨心，惟有在背後支持霆鋒，嫲嫲最緊張暑假後入學的Lucas，有指她委託好友盧永仁博士為乖孫找到學校。
謝婷婷近日多次發言撐胞兄霆鋒，不過她始終是後輩，不便多嘴，而且她戀愛大過天，昨日與男友安志杰透過微博談情說愛晒幸福。婷婷契媽汪明荃（阿姐）連日拒談鋒芝變，似有難言之隱，阿姐昨日在佐敦出席八和會館活動時說：「第一，我唔知點講，呢件事上冇聯絡過，等佢哋處理啦！」阿姐可有說話寄語霆鋒？她說：「好好處理，最重要係小朋友。」
採訪、攝影：魯萍、比華利