華星三寶陳奕迅（Eason）、楊千嬅和梁漢文前晚在灣仔演出拉闊音樂會，Eason笑指好友謝霆鋒是chok神，又大爆婚變的霆鋒記憶力強，所有事都記得清清楚楚，但就不禁說：「你話佢幾痛苦。」
陳奕迅、楊千嬅和梁漢文前晚在會展合作演出拉闊音樂會，徐濠縈與女兒康堤、丁子高與母親及千嬅的父母、何韻詩與容祖兒等都有捧場。Eason笑言自己與千嬅的四方形和梯形身形竟可走紅，他又說：「我入行咁多年點似林峯咁chok？」千嬅即謂：「你個friend勁啲！」Eason知她指謝霆鋒，便說：「係呀，佢喺拉姑嗰度一出嚟已經chok。」後來Eason又扮霆鋒chok樣說：「我出道就係rock神。」博得觀眾大笑。
霆鋒爆粗惡過鬼
千嬅又爆有次與Eason及霆鋒到大馬出席頒獎禮時撞鬼，三人半夜在酒店房聊天，Eason累得躺在地上睡着，忽然房燈不停眨，他們怕得叫了逾30人來房間，Eason竟沒醒過直至天亮，Eason補充：「當時霆鋒話要惡過啲嘢，不停爆粗鬥惡吖嘛。」千嬅說：「我好驚，見霆鋒咁以為佢上咗身。」
談到霆鋒婚變，Eason忽然感觸說：「我家記憶力好似貓仔咁得30秒，chok神就慘，我喺大馬探佢，佢竟然記得所有嘢，你話佢幾痛苦。」事後三人接受訪問，Eason被指爆霆鋒料，梁漢文搭嘴道：「chok鋒啲嘢大家都知啦。」Eason說：「佢喺拉姑嗰度，臍帶都未剪就開始chok。」
暗嘲許志安小器
此外，Eason也爆許志安和譚詠麟的逸事，他唱入行第一首歌《我的理想》時，被千嬅指像唱男士進補廣告歌，Eason即謂當時是以安仔腔來唱，又謂：「我將鼻孔擴張。」千嬅大笑問為何？Eason說：「你咪打電話去問吓大鼻安囉。」千嬅謂Eason之前在演唱會笑安仔是箭嘴安，翌日安仔問她究竟Eason說了甚麼，暗指安仔小器，Eason即謂：「安仔好隨和，一啲都唔小器。」安仔好友梁漢文則不敢插嘴。
千嬅又取笑Eason接受電台電話訪問時曾瞓着，Eason即說：「第一個phonein扯鼻鼾嘅係校長（譚詠麟），我係第二個。」
採訪：馬建華 攝影：葉君海