21歲擁34D洶湧身材的o靚模許穎（Phoebe），前日與富貴男友、著名賽車手潘德俊胞弟MichaelPoon同遊尖沙嘴，親暱蹺手，甜蜜試香水，又睇男裝泳褲，全程表現熱情，然後乘坐男友的林寶堅尼戰車離去，看來有望嫁個有錢人。
不少o靚模為書展出寫真努力宣傳，34D許穎（Phoebe）密密工作之餘，也抽時間陪富貴男友拍拖。前日下午，Phoebe與一名年約30歲的男士出現尖沙嘴海運大廈把臂同遊，只見Phoebe全程表現熱情，不停輕聲細語雞啄唔斷，男友則安靜聆聽，對Phoebe的熱情甚為受落，二人邊行邊傾邊windowshopping。
噴香水叫男友聞頸
逛到運動用品專門店時，Phoebe拿起三角泳褲拼在男友身上，二人之後到售賣香水的櫃位，Phoebe興高采烈試聞一番，還將香水噴在自己頸項，讓男友靠近聞，二人身貼身相當親暱，玩了近半小時後，Phoebe蹺實男友的手快步離去，走到露天停車場，步上男友駕駛黑色林寶堅尼Gallardo，然後絕塵而去。
翻查車輛登記資料，該車由富商兼有「新車神」之稱的著名賽車手潘德俊PaulPoon持有的公司購買，07年落地的車於今年3月才作首次登記，車價為104萬左右。據悉，Phoebe的男友正是PaulPoon胞弟MichaelPoon，住九龍塘豪宅，擁有新界多幅大地皮。
Phoebe昨日接受電話訪問否認拍拖：「唔係男朋友，係老闆嘅朋友。」她坦言二人認識一段時間，曾多次約會，被問到蹺手都不算男友？Phoebe說：「我係比較熱情啲啫。」可感受到男方追求及有否發展機會？Phoebe說：「佢對我都幾好，幾傾得埋幾夾，開心嘅話可以再食吓飯出吓街嘅。」知否Micahel胞兄是賽車手PaulPoon？Phoebe說：「唔知呀，係咩？唔怪得之佢對車咁有興趣啦。」
寫真花絮細路禁睇
此外，Phoebe為搶做新一代寫真女王，近日密集式造勢，其寫真集花絮短片更熱爆YouTube，由於片尾部份有她咬唇谷胸意識大膽甫士，YouTube昨日限制只有登記是18歲以上人士才可觀看。
採訪、攝影：黃曉程、馬建華