徐克最近獲紐約嘅亞洲電影節頒贈終身成就獎，認真威水，影展仲會幫佢搞個小型回顧影展，包括佢之前嘅作品《狄仁傑之通天帝國》。佢早前接受《華爾街日報》訪問，被問到喺大陸同香港拍戲有乜分別，佢話大陸拍戲好大陣仗，好似佢上一套戲就用咗超過600人，仲唔包括演員在內，佢仲話都唔知點解以前可以用少過60人去拍《黃飛鴻》出嚟。