車路士後衞艾殊利高爾（左、A高）為求翻撻歌手雪露（右），不惜用超過1,000萬鎊（約1.25億港元）日前才度過28歲嘅前妻，「浪子回頭」真係代價不菲！A高早前因為偷食，去年初搞到同雪露正式離婚，不過兩人仍然難忘6年情，最近呢個月頻頻傳出復合消息，英國《每日郵報》更刊出雪露「腳鉗」A高，恩愛非常！呢次A高為咗老婆，除咗要答應再次舉行婚禮、再送巨型鑽戒、喺洛杉磯同英國要買大屋外，仲要整個私人錄音室畀雪露隨時可以展歌喉。雖然A高周薪有12萬鎊，之但係再婚用嘅1,000萬鎊，差唔多等於佢年半人工，呢次偷食都算貴囉！