憑電視劇《Friends》賺到盤滿缽滿嘅荷李活愛情片天后珍妮花雅麗絲頓（JenniferAniston），同靚佬畢彼特分手多年仲未有着落，不過佢啱啱就喺樓市有斬獲，所以，並唔算太慘情。
據洛杉磯報章同埋地產blog爆料，話珍妮花響比華利山、叫價4200萬美金嘅9000呎大屋（下圖），放盤幾個月已經有唔少財團問價，每次還價都係3000萬美金以上，不過珍妮花企硬唔肯減價。
直至上個禮拜，間屋終於成功以3700萬賣咗，買家係一個叫「橙郡」（OrangeCounty）嘅基金，經紀一check之下，發現橙郡既基金經理竟然係「債王」格羅斯！
其實珍妮花間大屋持貨近5年，買入價只係1350萬美金，點計都賺兩倍，仲俾人叫佢做LuckyLady，所以，女人，唔一定要靠男人o架！
