【本報訊】專業會議梁美芬因力倡修例禁制「變相公投」，成替補機制的始作俑者，日前更發表「懲罰選民論」，惹來各界狂轟。梁美芬昨天出席立法會時一改與傳媒寒暄的作風，長時間逗留在議事廳內迴避記者查詢，其親密戰友則力撐梁美芬是「叻女」，不擔心其區議會及立法會選情受影響。
被指唔開心 傳紙仔訴苦
梁美芬昨天早上抵達立法會後，未有一如往常在走廊與傳媒寒暄，有議員指她表現極為低調，「好似有啲頭耷耷、唔係太開心咁」，亦有人發現她與部份議員「傳紙仔」，未知是否大吐苦水。
專業會議召集人、工程界代表何鍾泰則力撐作戰夥伴，表示不覺得梁美芬因為被各界批評及相關的報道而不快，「佢冇唔開心呀，佢點會咁易唔開心吖」。並強調梁美芬在地區得到極多支持，「好多人好支持佢o架」。他不擔心事件影響梁美芬年底區議會以及明年立法會選舉的選情。
何鍾泰讚叻女「使乜我教」
被問到是否需向梁美芬傳授錦囊、應付外界批評，何鍾泰說：「佢（梁美芬）好醒，使乜我教佢？佢係叻女嚟嘅」。更反稱：「從來都係你哋傳媒對我哋咁mean（刻薄）o架啦！」
梁美芬的另一戰友，建築、測量及都市規劃界代表劉秀成則為梁美芬抱不平，「選舉嘅嘢，係人都知o架啦，會專砌人o架嘛」。暗示梁美芬是因為選舉臨近而受到外界「抹黑」。