辛達告魯斯（圖）喺兩年前加盟曼城至今，基本上毫無建樹，但話晒泊到班主蒙蘇呢個大碼頭，自然唔憂冇路走。好似《鏡報》披露，曼城有意將辛達告魯斯送去中東，利用蒙蘇嘅網絡推薦畀阿拉伯球會，但辛達告魯斯周薪90,000鎊，唔係間間球會都負擔得起。不過就算係咁，蒙蘇都會收納佢喺旗下嘅球會艾查捷拉。