謝婷婷昨日現身金鐘出席AsiaJet活動，記者繼續追訪其兄霆鋒與栢芝婚變進展，問知否霆鋒已送上離婚協商書，她表示：「唔知，自己啱啱返，咁detail嘅事唔知道。」她處處維護母親拉姑：「件事講到好關佢事，佢最受委屈，我最同情係佢，佢最掛住啲孫。」有傳拉姑常到霆鋒家勸交，婷婷否認：「以我所知，拉姑好少上佢屋企。」
對於白姐姐建議Lucus及Quintus應交給拉姑照顧，婷婷亦表贊同：「栢芝曾將Quintus交畀嫲嫲湊兩個月，媽咪同uncle好開心，仲將個廳改裝成BB房，成個天堂咁，佢有能力，亦有試過，畢竟佢係嫲嫲，栢芝都交過畀佢。」問到母親有否念孫，她表示：「有喊，唔係喘氣，都有開水喉，我都好掛住佢哋。」再問到會否幫哥哥爭取，她表示：「唔知可以做乜嘢，不過我好傷心，個個都掛住小朋友，希望有得見。」
祖兒戴碧芝冇偈傾
此外，容祖兒昨日提到謝霆鋒即將返港，她說：「佢返嚟會處理佢嘅事o架啦，打機係用嚟減壓，唔講咁多都係對佢嘅一種支持。」祖兒透露在陽明山莊做gym時遇到張栢芝的姐姐戴碧芝，但沒有與她交談。
採訪、攝影：盧妹、李珮洳、陳慧安