楊思琦上周二自爆「分訊」，她強調事前已向雙方父母交代一切，但施明同日卻踢爆不知情，誰是誰非只有局內人最清楚。施明一早表態力撐愛兒，最擔心是豪仔在這段時間會胡思亂想。
擔心豪仔情緒
施明昨日表示連日多關心豪仔，她說：「我會畀多啲時間佢，陪佢度過時艱，呢個時間佢好需要人安慰同關心，我會盡最大努力。」
對於思琦為新歡火速狠撇豪仔，就連昔日同養的愛犬都不理，曾視思琦如新抱看待、錫到她燶的施明一提到思琦近日的所作所為，施明坦言心淡：「我呢排唔睇電視、報紙同新聞，我唔想知道佢任何嘢。我只係顧及豪仔情緒可以快啲平復。」
有消息指懷孕兩個月的思琦已向無綫請假9個月待產，無綫高層樂易玲昨日回應：「思琦冇同公司請假。」