仁哥在球場上以精湛球技令對手俯首稱臣，收山多年，今日轉去教小朋友踢波，原來一樣要使出真功夫，小朋友才聽教聽話。他神氣地笑說：「踢球靚波畀佢哋睇，就會信你！」仁哥最希望有朝能教到足球天才，助其踏上明日球星路。
執教鞭逾10年的仁哥，近年主要在阿仙奴（香港）足球學校當教練，教授12歲以下的小朋友。即使踢波及教波經驗豐富，要令小朋友聽話絕非易事。仁哥坦言，有時都頗勞氣：「你有你講，佢有佢玩，喺球場周圍走，鍾意又碌吓地。」另外，部份小朋友過於受父母寵愛，捱不住辛苦。
希望教到足球天才
他強調教小朋友踢波要耐性外，最佳的方法原來是使出腳下真功夫：「吓佢哋，踢球靚波畀佢哋睇，自然就會信你，猛咁追住問你點踢！」
雖然有不少學生踢得好，仁哥仍慨嘆至今未見到一個特別具天份；眼見本港足球壇多年來人才凋零，他冀盼有一天能教到足球天才，為香港足球培訓接班人。