商台DJDonald和研究外星物體和靈異的專家雲海，將會在下月舉行Talk騷《HouseOfUnbelievable》，雲海負責講靈異故事，Donald負責搞笑，以緩和觀眾情緒。為免觀眾聽鬼古後身體不適，屆時會有救傷隊駐場。
商台DJDonald和靈異專家雲海的Talk騷《HouseOfUnbelievable》將於下月4至7日舉行，集驚慄真人真事鬼故事兼搞笑於一身。主要由雲海講親身靈異恐怖經驗，Donald則負責搞笑。
預留一個位
Donald和雲海日前在商台接受訪問，他們表示搞笑與驚嚇鬼故事佔比率為四比六，雲海說：「我有幾百個古仔，家揀緊大概50個喺到時講。」他們謂屆時會配合劇情，有聲音和視像效果。
自言在家與靈體同住的雲海，與Donald稱不排除活動會吸引其他靈異物體到場，Donald說：「現場有700個位，但我只可以透露，我哋每場只會賣699個位。」雲海表示曾在商場演講，有個疑似靈體婆婆細心聆聽，他說：「當時我講咗兩個鐘，個老婆婆一直好專心企喺台下，我望到佢嘅時候，佢仲同我點頭，但後尾我問番工作人員，佢哋個個都話唔見。如果做騷當日，我真係見番呢個阿婆，我會即時請佢上台。」
怕觀眾受驚
由於話題涉及太多驚嚇成份，Donald稱為觀眾安全着想，會在場地安排救傷隊，他說：「我哋真係考慮過可能有人太驚會唔舒服，所以真係有安排，同埋準備心臟起搏器，而且公司買咗保險。」
採訪：王連連 攝影：黃文偉