【本報訊】專業界別對替補機制的怒火越燒越旺，平日斯斯文文的工程師一旦怒吼，勢不可當。「政府今次真係太過離譜，佢當市民係白癡咩？」何國強7.1上街，捍衞絕對不可被剝奪的補選權；眼見立法會工程界代表何鍾泰猶豫不決，何國強只能寄語：「唔該佢唔好咁騎牆。」
「我冇被佢諮詢過喎」
號稱民主的社會，自然應保障市民的選舉權，「但係我哋個政府，竟然想靜雞雞咁攞走我哋嘅權利」。雖然當局押後表決方案，何國強昨日接受訪問時，仍擔心政府今次一旦硬闖關成功，以後自必「變本加厲」，「到時佢想攞走我哋乜嘢權都得o架啦」。
是非黑白分明的議題上，議員理應很易作出明確的立場選擇，但立法會內代表工程師的何鍾泰，卻一再表示要再作諮詢。「佢成日都話要做諮詢o架啦，但係事發到家一個月有多，我都冇被佢諮詢過喎」。何國強稱過去一段時間，曾向何鍾泰發出電郵提問，但未獲回覆，界別內的朋友也有同一遭遇，「咁佢成日話諮詢，呢啲就叫做諮詢咩」。
何國強質疑，業界代表作「假諮詢」，源於何鍾泰有「前科」，「上次政改方案，佢夠話要做諮詢，最終我都冇被諮詢喎」。他稱業界普遍不支持替補機制，何鍾泰其實毋須做諮詢亦可有決定，要求何鍾泰光明正大地表態，「唔好再咁騎牆」，「佢應該要企出來反對」。
何鍾泰：正收集意見
何鍾泰昨稱，收到極多來自業界的電郵，就替補機制表態，由於正收集意見，因此不會逐一回覆，並強調除了透過電郵，還會親自向業界了解，又以政府的原預算案為例，指過往並非只支持政府，「我都唔係唔會投反對票o架」。